„Skóli er ekki eins og útvarpstæki sem þú kveikir bara á og þá gengur hann“ : eigindleg rannsókn um stefnuna Uppeldi til ábyrgðar

Þessi ritgerð segir frá rannsókn sem byggir á eigindlegri rannsóknaraðferð og fjallar ítarlega um hugmyndafræði og framkvæmd á stefnunni Uppeldi til ábyrgðar. Markmið rannsóknarinnar var að öðlast innsýn í reynslu kennara af hugmyndafræðinni Uppeldi til ábyrgðar ásamt því að varpa ljósi á hvaða leiðir eru farnar við innleiðingu til að stefnan verði sjálfbær í starfi skóla. Rannsóknin fólst í viðtölum við tvo kennara og skólastjóra sem hafa reynslu af hugmyndafræði stefnunnar og innleiðingu hennar. Helstu niðurstöður eru þær að samkvæmt viðmælendum hefur stefnan jákvæð áhrif á bæði nemendur og starfsfólk. Agamál í skólanum voru nánast úr sögunni eftir að stefnan var sett á. Hins vegar krefst innleiðing Uppeldi til ábyrgðar mikils aga, tíma og stýringar. Æskilegt er að í skóla sé stofnaður ákveðinn stýrihópur skipaður af starfsfólki skólans til að sjá um innleiðingu stefnunnar. Það er í umsjón stýrihópsins að starfsfólk fái fræðslu og námskeið um Uppeldi til ábyrgðar. Einnig er mikilvægt að sambærilegur hópur sé starfandi eftir að innleiðingu lýkur til að hafa eftirlit með stefnunni